Hiri i Zotit
Hiri është Jisui në kryq që më thotë:
“Ju mund të më hidhëroni, mund të mos më qëndroni besnikë, mund të më keqkuptoni, mund të më godisni fortë, mund të më mavjosni, mund të më fshikulloni, mund të më trajtoni padrejtësisht, madje edhe mund të më vrisni në kryq, por unë asnjëherë nuk do të pushoj së dashuri ju. Atë, fali se nuk dinë se ç’bëjnë!”
Hiri është një fjalë tjetër në vend të fjalës dashuri, përveçse mban brenda vetes dhe kuptimin shtesë, se kjo dashuri është e pamerituar, të cilën ti nuk e fiton dot dhe nuk e meriton aspak.Mund të jetë “për shkak të dashurisë” sepse në të vërtetë jepet për shkak të faktit që ai që e merr këtë dashuri nuk e meriton fare, në asnjë lloj mënyre.
Hiri është ç’ka përjetoi shën Pavli kur shkruajti:
“...që më parë isha blasfemues, përndjekës dhe i dhunshëm, por m’u dha mëshira, sepse i bëra nga padija, në mosbesimin tim, kështu hiri i Zotit tonë teproi pa masë me besimin dhe dashurinë, që është në Jisu Krishtin.
(1 Tim.1:13-14)
Hiri është ajo ç’ka Jisui bëri për ne:
“Sepse ju e njihni hirin e Zotit tonë Jisu Krisht, i cili duke qenë i pasur, u bë i varfër për ju, që ju të bëheni të pasur me anë të varfërisë së Tij” (2 Kor. 8-9)
Hiri nuk do të thotë të pranojmë mëkatin si fjalë të fundit, por të pranojmë mëshirën e Perëndisë.
“Aty ku ka mëkat me tepricë, hir ka edhe më me bollëk”- thotë shën Pavli.
Hir nuk do të thotë se ne e duam Perëndinë.
“Në këtë është dashuria, jo se e kemi dashur Perëndinë, por që Ai na ka dashur ne, dërgoi Birin e Tij për shlyerjen e mëkateve tona” (1 Joani 4:10)
“Ne e duam Atë, sepse Ai na deshi i pari” (1 Joani 4:19)
“Ai e mori iniciativën.Ai e filloi i pari duke na dashur ne, i pari kur ne nuk ishim për t’u dashur.”
“Por Perëndia tregon dashurinë e Tij në atë që, kur ne ende ishim mëkatarë, Krishti vdiq për ne.” (Romakëve 5:8).
Flasin Etërit e Kishës
Nëse nuk vendos dot paqen, të paktën mos shkakto probleme.
Shën Isak Siriani