Shën Mërkuri, Martir i Madh. ( 25 Nëntor)
November 25, 2021 at 9:14 am,
No comments
Martiri i madh shën Mërkuri ishte një ushtarak i shquar, jo vetëm i ushtrisë së perandorit Deci, të cilit i shërbente, por edhe i Krishtit. Mërkuri ishte me origjinë nga Skithia dhe i ati i tij quhej Gordiano.
I dalluar në një beteje, gjatë së cilës kishte vrarë gjeneralin armik, u nderua me gradën e gjeneralit. Por kur u thirr që të merrte pjesë në një sakrificë për idhujt, refuzoi dhe nuk hezitoi, kur u pyet, që të pohonte që ishte i krishterë. Mbreti u përpoq në fillim, që ta joshte me fjalë të mira. Por duke parë, që nuk mund ta bindte që të mohonte Krishtin, urdhëroi që ta torturonin. Pasi e mbushën me plagë, i prenë kokën në Qesari të Kapadokisë, ndërmjet viteve 253-259.